Во понеделник почнува продажбата на поединечните билети за со Пик Сегед

Како што информираат од нашиот машки ракометен колектив од понеделник 21 септември ќе започне продажбата на поединечни билети за натпреварот со Пик Сегед, кој е прв на домашен терен во рамки на групната фаза на ЕХФ Лигата на шампионите. За продажбата од нашиот црвено – црн шампион велат :

Продажбата на билети ќе се одвива само на билетарницата на СЦ „Јане Сандански”, секој работен ден од 10 до 18 часот.

Цените на билетите се следните:
- Стоење – 150 денари
- Трибина – 400 денари

Натпреварот меѓу Вардар и ПИК Сегед ќе биде прв на домашен терен во новата сезона за нашите момци, а ќе се игра на 27 септември со почеток во 17:30 часот.

Дополнителни информации за продажбата на билети за првиот домашен натпревар од оваа сезона со тимот на Пик Сегед можете да добиете на телефонскиот број + 389 (2) 2 40 19 80, како и на www.ticketplus.mk и www.rkvardar.com.mk