Vardar Fans
Нашите момци го одработија првиот тренинг во “Кристијанштад арена“. Салата во која во недела ќе го играат дуелот со истоимениот шведски претставник во ЕХФ лигата на ракометни шампиони. Црвено – црните вчера полетаа од Скопје до Виена, а отаму до Копенхаген со авион. По слетувањето на аеродромот во Копенхаген со автобуски превоз се упатија до Кристијанштад.
Дуелот со Кристијанштад е закажан за недела во 16-30 часот и од истиот ќе може да се проследи директен пренос на МТВ-1. Шпанскиот стручњак на клупата на Вардар Гонзалес отпатува на ова гостување со 16 играчи, во Скопје останаа Марсениќ и Лазаров, а Ангелов доби шанса на сметка на Милиќ кој остана во Македонија да патува како резерва на Штербик. Првиот тренинг беше наменет само за привикнување на подлогата и размрдување од напорното патување, а вечерва во терминот на утрешниот меч црвено – црните ќе одржат уште еден последен тренинг пред дуелот во кој со победа ќе го заземе првото место во нашата група.
