Vardar Fans
Во сабота сите погледи ќе бидат свртени кон завршниот турнир од лигата на шампионите, кој и оваа сезона ќе се одигра во Келн. Таму четирите најдобри екипи ќе се борат за европската титула. Секој има свои математики, шанси и калкулации како да се победи противникот и стигне до толку посакуваниот трофеј од најголемото ракометно натпреварување. Во првото полуфинале, ќе се судрат екипите на ПСЖ и Веспрем, додека втората полуфинална двојка ја сочинуваат Вардар и Барселона. Како е да се подигне најпрестижниот трофеј знае крилото на Вардар, Иван Чупиќ кој ке има можност да го брани трофејот освоен од минатата сезона со тимот на Киелце, но сега во црвено-црниот дрес. Тој за официјалната страна на клубот ги сподели очекувањата за завршниот турнир и тоа како треба да се одигра со Барселона.
-Сигурно ќе бидеме спремни, а ќе видиме колку можеме да одговориме. Она што цела сезона функционираше добро, одбрана на голмани и брза транзиција и сега би требало да биде наша одлика. Со постигнување на лесни голови би ни било полесно. Но, Барселона е добра и знае што игра во секој момент. Ќе биде тешко, се мора да изгледа совршено. Во главите сме спремни дека треба да дадеме максимум без разлика колку ќе игра некој и да се подредиме на екипата. Само така може да се победи Барселона и да влеземе во финалето. Верувам дека коцките ќе ни се наместат.
Детали ќе го одлучуваат идниот владател на Европа, а среќата на овие мечеви е повеќе од потребна.
-Нашата подготовка и здравје ќе бидат најважни. Барселона е квалитетна и искусна, а ние две недели се подготвуваме за тој дуел. Како што игравме досега, тимски и одбрана и напад, треба да продолжиме. Како на секој претходен Ф4, и сега ќе решаваат детали, се надевам и малку среќата ќе не следи. Би сакал и голманите да бидат на ниво. Сетоа тоа ќе ни оди во прилог, истакна Чупиќ.
