Чупиќ доби место во најдобриот национален тим на Хрватска, во последната декада

Хрватскиот портал „Индекс“ преку гласовите на своите читатели направи избор на најдобриот тим во Хрватска во последната декада. Во овој состав место имаше и за еден актуелен и еден поранешен играч на Вардар.

Најмногу гласови за најдобар играч на позицијата десно крило, доби актуелниот член на Вардар, се работи за Иван Чупиќ. Во најдобриот тим се најде и еден поранешен ракометар на Вардар, тоа е Блаженко Лацковиќ кој една сезона помина во црвено-црниот дрес, а посетителите на порталот „Индекс“ го прогласија за најдобар лев бек, признание кое го доби пред Дувњак.

Во овој избор се најдоа уште и Мирко Алиловиќ ( голман), Ренато Сулиќ ( пикер), Мануел Штрлек ( лево крило), Лука Степанчиќ ( десен бек), и Ивано Балиќ ( среден бек), додека во изборот за најдобар дефанзивец најмногу гласови доби Јаков Гојун.