Шест пионери на Зенга, ќе дебитираат за РК Вардар во СЕХА

Одлична вест пристига од РК Вардар 1961 за првиот тим ќе добијат шанса за деби и тоа во регионалната СЕХА лига дури шест  ракометни надежи. Станува збор за млади и квалитетни ракометари од пионерскиот  погон кои ги предводи Зоран Петковски-Зенга.

Низ годините под менторство на Зенга овој тим доживеа процут, имаме одличен ростер, голема база за репрезентацијата на Македонија. Вардар го препозна тоа и ги „фрла во оган“ во вистинско време. Тие ќе настапат на СЕХА дуелот против тимот на Војводина. За жал поради пандемијата веќе една година и нешто во земјава нема младински ракомет, па оваа шанса е повеќе од добредојдена.

Дел од тимот ќе бидат, голманот Никола Спасовски, крилата  Матеј Трајановски  и Марио Стојановски, пикерот Александар Стојменов,   левиот бек Никола Анакиевски и Виктор Трифуновски кој игра на централната позиција во тимот.