Thursday ,28 May 2020
Последни:
Home > РК Вардар > Прв Тим > Димитриоски: Играчи како Дибиров и Чупиќ беа причината за моето доаѓање во Вардар
Димитриоски: Играчи како Дибиров и Чупиќ беа причината за моето доаѓање во Вардар

Димитриоски: Играчи како Дибиров и Чупиќ беа причината за моето доаѓање во Вардар

Димитар Димитрисоки ја игра својата прва сезона во редовите на Европскиот Шампион, откако дојде од екипата на Металург. Клубот во младиот играч кој има и репрезентативни настапи, гледа замена за Тимур Дибиров кој има договор со Вардар до крајот на јуни и не е сигурно дека истиот ќе го продолжи. Во интервју за СЕХА-лигата, Димитриоски говореше за доаѓањето во Вардар.

-Моите пријатели се шегуваа, но ја разбираа ситуацијата во која се најдов. Имав можност да потпишам за екипата која е актуелен Шампион на Европа и СЕХА-лигата. Во Вардар имам можност да учам и да станувам подобар, и сите ме подржаа во одлуката.

Да биде покрај врвни ракометари, е една од причините поради која левото крило се согласило да дојде во Вардар.

-Една од причините поради која дојдов во Вардар, беше да учам од играчи како што се Дибиров, Шишкарев и Чупиќ. Тоа се играчи од светска класа, од кои гледам да научам што е можно повеќе и на тој начин да станам подобар играч.

На прашањето дали можат да се споредат Вардар и Металург, Димитриоски истакна дека не можат да се споредат две екипи кои имаат различни амбиции.

-Со Металург бевме млада екипа која се бореше во СЕХА и Лигата на Шампионите, додека Вардар е тим со поголеми амбиции да освојува трофеи. Не можете да споредите екипа која игра во послабите групи Ц и Д во Лигата на Шампионите, со екипа која владее во ЛШ и СЕХА-лигата.