“Диви“ за Вардар фанс: Со Висла ни треба победа макар од еден гол

Во сабота следи мечот со полска Висла Плок во рамките на осминфиналето од Лигата на шампионите. Ова е реванш дуел, на првиот црвено-црните одиграа реми и ако имаа предност во последните моменти од четири гола која ја пропуштија во финишот, но сепак донесоа одличен резултат. За нашите фанови, пред натпреварот својте впечатоци ни ги кажа голманот на вардарци популарниот “Диви“, тој за првиот меч вели:

Мислам дека во Плок одигравме квалитетен меч. Тоа беше тежок меч бидејќи имавме навистина многу повредени играчи. Сепак направивме еден колектив во кој покажавме дека без секој  можеме да оствариме успех  односно, останатите ја надополнуваа празнината што ја донесоа повредите. Се надевам повредените ќе се вратат за во сабота за најважниот меч за нас оваа сезона. Очекувам да се пласираме во осумте најдобри од Лигата на шампионите, а потоа ќе одиме понатака тимски, чекор по чекор.

Во сабота од 18-00 часот е закажан реваншот,  избраниците на Раул Гонзалес на овој меч ќе се обидат да дојдат повторно до четвртфиналето во ЛШ, што ќе значи трета последователна година по ред, за мечот во спортскиот центар “Јане Сандански“ Петар Англеов ги има следниве очекувања:

-Во сабота очекувам мечот со Висла да биде потежок во однос на ланскиот, бидејќи они овој пат немаат што да изгубат, носат реми немат предност никаква. Они сигурно ќе дојдат и ќе се обидат да победат во овој дуел, бидејќи истиот им е последна шанса за понатаму и ќе одат на “ се или ништо“. Ние сме домаќини играме дома ни треба победа макар од еден гол, ние немаме притисок веќе сме искусни во лигата на шампионите само да бидеме живи и здрави да се спремиме добро и во сабота одиме на победа.

Ние сме фаворити во сабота и доколку минеме понатаму со огромна веројатност ќе вкрстиме со силниот тим на Веспрем екипа со која двапати одигравме тешки мечеви кои завршиа нерешено во СЕХА лигата сезонава, Ангелов кој е фокусиран на саботниот меч кратко ни одговори за евентуалниот 1/4-финален меч со Веспрем:

-За евентуалниот двомеч со Веспрем во четврт финалето е рано да размислуваме, велам дај боже да минеме во сабота со Висла Плок потоа ќе одиме чекор по чекор, а за пласман на Ф-4 не треба многу да зборуваме туку да покажеме на терен дека истиот го заслужуваме- изјави Петар Ангелов- Диви за Вардар Фанс.

Михајло Тушевски