Кој вели дека Борко не може? Ристовски ја ,,спушти ролетната” на својот гол!!

Ракометарите на Вардар 1961 останаа непоразени и по третиот натпревар во Лигата на шампионите оваа сезона. Играчите на Вујовиќ уште еднаш покажаа и докажаа дека оваа сезона се зрели за нешто големo. Во Скопје дојде вицешампионот на Европа, беше голем фаворит за победа, но во Скопје пред ваква феноменална публика тешко кој може да победи.

Играч на натпреварот вечерва е Борко Ристовски. Се врати на голот и одигра – фантастично! Иако започна на клупата, сепак доби шанса некаде кон средината на првиот дел и од тогаш па се до самиот крај ,,ја спушти ролетната на својот гол” и со фантастични 16 одбрани го водеше Вардар до голем триумф.

Ау, каков натпревар беше ова на Ристовски, кој покажува дека и оваа сезона ќе биде големо засилување помеѓу стативите од голот на Вардар. Да се запрат фантастични шутери, како оние вечерва во Скопје, навистина треба да си одличен голман, a тоа секако дека е Борко Ристовски!