Vardar Fans
Денес машкиот ракометен клуб на Вардар одржа прес-конференција по повод дерби натпреварот во Јане Сандански против актуелниот европски првак. На пресот говореа тренерот Гонзалес и Шпанскиот репрезентативец Акелкс Душебаев. Двајцата се согласни во мислењата дека ќе биде тежок натпревар, но дека со поддршка од навивачите може да се стигне до посакуваниот триумф.
-Ќе играме пак со Барселона во период од една недела. Игравме кај нив и загубивме со еден гол. Таму игравме добро, но не и супер, имавме потешкотии со патување и многуте натпревари. Не игравме со 100 отсто и бевме малку уморни. Играчите беа со репрезентациите и дојдоа малку уморни.
Неделава имавме два дена одмор, трениравме добро. Мораме да играме со 100 отсто, треба добро во одбрана и напад, треба да ја искористиме контрата. Мора да ги искористиме сите шанси што ќе ни се укажат, зашто кога се игра со Барселона не значи дека ќе победиш ако играш само добро.
Кога навивачите се тука, ќе биде подобро за нас, ние тука играме 100 отсто секогаш. Треба да играме како против Кјелце. Ќе биде тешко, зашто никогаш незнаеш кога Барселона ќе игра добро. Никогаш не знаеш кога ќе играат тие добри, и треба да бидеме подготвени секогаш, изјави тренерот Гонзалес.
Десниот бек во редовите на Вардар најдобро го познава Шпанскиот ракомет. Алекс вели дека треба да се поправат грешките од мечот во Барселона и да влеземе тука максимално подготвени.
-Oдигравме добро во Барселона, можеби малку ни требаше и среќа. Бевме добро подготвени, но сега сме и поодморни, и сега сме подобро подготвени. Недела е важен натпревар за нас. Занеме дека играме со европскиот првак. Со поддршка на нашите навивачи, треба да ги искористиме сите шанси. Ако одиграме одлично можеме да победиме. Барселона има добри играчи кои можат да го искористат својот ден, и треба да бидеме подготвени на тоа. Да бидеме подготвени и да не правиме грешки, и да ги спречиме нив во контра. Најважно е да одиграме она што го знаеме и што го подготвувавме, рече Алекс Душебаев.
