Вардар Јуниор во последното коло гостува кај ГРК Борец

Денес на програмата во плеј-аут сегментот во Супер лигата е последното, 10.коло. Во истото младиот црвено-црн сениорски колектив, тимот на Вардар Јуниор ќе го одигра последниот меч сезонава како гостин. Ние гостуваме кај екипата на ГРК Борец од Велес.

Натпреварот е закажан во 19-00 часот, истиот ќе се игра во салата “Гемиџии“ во Велес. Правдата ќе ја делат: Андонов Виктор (Скопје) и Јовановски Стојанче (Скопје). Овој дуел е натпревар без резултатско значење за двата колектива, велешани и момците на Стојан Петрушевски обезбедија директен опстанок во македонската ракометна лига за иднатата сезона. Победникот на дуелот ќе ја заземе втората позиција  на табелата од плеј-аутот веднаш зад лидерот РК Радовиш.