Хансен: Се уште боли поразот од Вардар, во финалето на ЛШ

ПСЖ беше еден од најголемите фаворити за освојување на лигата на шампионите, пред почетокот на минатата сезона. Сепак нивниот сон остана неисполнет и срушен, откако Вардар им се попречи на патот и успеа да ги победи во големото финале на ЛШ. Тимот со убедливо најголем буџет во лигата на шампионите, тимот на ПСЖ се уште неможе да го преболи тој пораз, а еден од нивните најдобри играчи, Микел Хансен веи дека тој пораз му е мотивација да работи напорно цело лето, за да го замени со победа и трофеј во новата сезона.

-Сè уште боли  поразот од Вардар во финалето. Не само поради голот во последната секунда, туку поради нашето ниво на игра, кое беше далеку од нашите вистински можности. Сепак, за да успеете, мора неколку пати да ја вкусите горчината на поразот. Тоа чувство од Келн ми е мотивација цело лето, да работам напорно за да го заменам со победа во новата сезона. Размислувам за моментот на последниот свиреж, кога сите на спротивната страна се радуваат, а ти не можеш да поверуваш што се случи.

Иако станаа шампиони на Франција, сепак далеку попосакуван беше трофејот од најголемото ракометно натпреварување.

-Поразот од Вардар секако дека не болеше. Потоа следуваше домашен натпревар од првенството на Франција, кој беше проследен со чудно чувство да се радуваш на освоен шампионат, а знаеш дека не си целосно среќен. Оваа сезона сме далеку помотивирани да докажеме дека сите ние знаеме да одиграме подобро од завршниот меч во Келн.