Недановски: Војводина не изненади – Николиќ: Вардар ги искористи нашите лоши пет минути

Вардар со победа ја стартуваше новата година, откако успеа да слави на гостувањето кај екипата на Војводина, во рамките на меч од СЕХА-лигата. Иако настапивме некомплетни без неколку главни играчи, сепак на крајот стигнавме до бодовите. Ова беше 12.триумф во СЕХА-лигата и уште една победа ни недостасува за и теоретски да обезбедиме пласман на завршниот турнир. После завршување на мечот свое видување, даде левото крило во редовите на Вардар, Владо Неданвски.

-Паузата поради Светското првенство си го направи своето. Имавме долга пауза, но и заморни и повредени играчи. Војводина не изненади, беше тешко, но на крајот стигнавме до победата, изјави на кратко Недановски.

Противничкиот играч, Николиќ, истакна дека неговиот тим влегол без оптерување на овој натпревар.

-Знаеме каков тим е Вардар, влеговме мотивирани во мечот, без страв, без оптеретување. Во текот на целиот меч игравме на добро ниво, одржувавме концентрација во одбраната се до последните пет минути од дуелот, кога имавме неколку промашени удари. Вардар го искористи тоа и на крајот успеа да слави.