Градот Прилеп во текот на денешниот ден беше домаќин на завршниот турнир во машката кадетска ракометна лига. Токму домашниот тим на Прилеп го освои првото место откако во големото финале ја победи екипата на Струга, третото место е за Вардар кој во малото финале по изведување на удари од седум метри го совлада тимот на Астраион. Да напомене дека црвено-црните на овој завршен турнир се натпреваруваа со две години повозрасни екипи, што добива на тежина освоениот бронзен медал.
На крајот беше избран и најдобриот тим на завршниот турнир, како и најдобар стрелец. Токму играчот на Вардар, Бојан Чакалиќ е најдобар стрелец на завршниот тим, додека во идеалниот тим се најдоа уште двајца вардарци. Давид Савревски е најдобар десен бек, додека Симон Калајџиески е најдобро десно крило.