Кадетите на РК Вардар ќе играат во полуфиналето на турнирот во Белград, откако во текот на денешниот ден забележаа една победа и пораз. Најпрво избраниците на Чивлачки и Грчевски се сретнаа со екипата на Војводина од која беа поразени со резултат од 16:20. Црвено-црните први го отворија резултатот и поведоа со 1:0, за противникот да постигне два последователни голови и да ја превземе предноста од 1:2. Во следните три минути се играше гол за гол, а при нерешен резултат од 3:3, Вардарци со два последователни голови за прв пат поведоа со два гола разлика (5:3). Вардар уште во два наврати имаше водство од два гола (6:4 и 7:5), но од тие моменти екипата на Војводина направи серија од 0:4 и направи резултатски пресврт за 7:9. До крајот на првиот дел, противникот ја одржуваше предноста и на одмор се замина со резултат од 9:11. Второто полувреме започна со два гола за екипата од Србија, која стигна до највисоки четири голови разлика (9:13). Вардар не помислуваше да се предаде, па со подобра игра стигна до само еден гол негатива од 15:16. Сепак финишот им припадна на Војводина, која направи серија од 0:3 и поведе со недостижни 15:19. До крајот на мечот по уште еден гол на двете страни, за конечни 16:20 на овој натпревар. Кај Вардар најдобар стрелец беше Антониј Мисаилески со 6 погодоци.
Во рамките на третото коло од групата, нашите кадети за противник го имаа тимот на Медвешчак. Тука бевме убедливи и на крајот славевме со резултат од 25:16. Медвешчак прв го отвори резултатот за 0:1, но Вардар ги постигна следните четири гола на натпреварот и поведе со 4:1. Следуваше период кога противникот го намали резултатот на 5:4, но Вардар со нова поголема серија успеа да стигне до највисоки 10:4. За момент намали противникот на 10:5, но црвено-црните продолжија да го полнат голот и да поведат со 12:5, што беше и резултат по првото полувреме. Првиот гол во вториот дел го постигна Медвешчак за да намали на 12:6, но на секој нивни погодок Вардар одговараше со два гола, за да го зголеми резултатот на 14:6. До крајот на натпреварот, избраниците на Чивлачки и Грчевски ја одржуваа оваа висока предност и на крајот славеа со резултат од 25:16. Најефикасен на овој дуел во нашиот состав беше Виктор Крстевски со 5 постигнати голови.
Во текот на утрешниот ден во првото коо, оваа генерација на РК Вардар родени “2000“ година беа подобри од тимот на Сингелиќ со резултат од 16:17.