Македонската машка кадетската репрезентација, до 18 години вчера пристигна Бугојно , Босна и Херцеговина, каде нашите младите црвено-жолти ракометни надежи ќе учествуваат на силен меѓународен турнир -Ракометот е мојата иднина 2016.
Нашите црвено-жолти кадети денеска на првиот за нив натпреварувачки ден на овој турнир во БиХ ќе одиграат два дуели од нивната група. Според распоредот на овој силен меѓународен турнир денес во 9-00 часот ќе одиграме дуел со кадетската селекција на Хрватска , а пак од вечерва во 19 часот и 15 минути играме со селекцијата на Катар. Утре односно во петок играме со врсниците од Полска, овој меч е закажан во 12 часот и 30 минути. Селекција на Македонија ќе биде предводена од нашиот Стојан Петрушевски кој е предводник на екипата на Рк Вардар 2, а пак негов помошник е Оливер Димитриоски. Од црвено-црниот машки ракометен колектив во селекцијата имаме дури шест момци кој ќе настапат на овој турнир. А тоа се :Марко Кизиќ -Вардар, Андреј Мицаноски -Вардар, Кристијан Ѓоршевски -Вардар Јуниор, Дејан Кукуловски -Вардар 2, Антонио Николовски -Вардар Јуниор, Стефан Крстевски -Вардар 2. На овој турнир свое учество ќе имаат осум кадетски репрезентации, кои се поделени во две групи, нашата селекција е во групата-Б. Покрај Македонија во нашата група се и Хрватска, Полска, и Катар.