Вардар 1961 ја запиша првата победа оваа сезона во Лигата на шампионите на ЕХФ откако го совладаа Фленсбург во Скопје со 31:26.
Актуелниот Европски шампион на овој натпревар беше воден од капитенот Стојанче Стоилов, кој го запиша својот најдобар поентерски натпревар во својата кариера кога е во прашање Лигата на шампионите.
Стоилов стрелаше на осум наврати на вчерашниот дуел од десет обиди, што за него е најдобро остварување во кариерата. Капитенот на ,,црвено – црните” својот најдобар поентерски натпревар до сега го имаше против тимот на Монпелје оваа година, кога седум пати се запиша во листата на стрелците.