(ФОТО) Вардар замина за Веспрем без Горбок, Стоилов во комбинација

Вардаровите ракометари и стручниот штаб заминаа  за Унгарија,  утре европскиот првак му гостуваат на унгарскиот шампион Веспрем. Ова е меч од 5.коло во ЛШ по кое  има репрезентативната пауза.

Дуелот со тимот кој го совладавме во финалето на Ф-4 турнирот во Келн, ќе биде деби за новиот тренер, Едуард Кокшаров. Селекторот на „зборнаја“  нема да може да смета на  на Сергеј Горбок, кој има повреда на ногата. Во ростерот е капитенот, Стојанче Стоилов кој на мечот со Кил не одигра ниту една минута.

По пристигнувањето во Унгарија, поладнево вардарци ќе одржат  еден тренинг во „Веспрем арена“.