Vardar Fans
Карачиќ е еден од играчите на кои им завршуваа договорите сезонава, и клубот веќе преговара со сите за нивно останување во Скопје. Карачиќ дојде во Вардар уште во 2012 година и е еден од играчите што е најдолго во тимот и дел од најголемите клупски успеси, трите титули во СЕХА лигата и четирите настапи во четврт-финалето на ЛШ и првото учество на Ф4 турнирот во ЛШ. За ова продолжување на договорот, Давор Стојаноски извршниот директор на Вардар вели:
-Задржувањето на тимот што ги постигна најголемите успеси на клубот е приоритет на Вардар и ќе сториме сѐ да ги имаме истите играчи што успеаја да стигнат меѓу најдобрите четири во Европа. Игор Карачиќ е еден од најпрепознатливите играчи на Вардар, и миленик на публиката. Заедно со Игор секоја сезона одиме чекор напред и верувам дека и во следниот период ќе имаме шанса за заедничка радост-изјави Стојаноски.
