Friday ,29 March 2024
Последни:
Home > РК Вардар > Прв Тим > Кудуз: Вардар е една од најсилните екипи во Европа, се оствари мојот сон да заиграм за овој клуб

Кудуз: Вардар е една од најсилните екипи во Европа, се оствари мојот сон да заиграм за овој клуб

Попладнево, РК Вардар го имаше својот прв собир, со што означи старт на подготовките за новата сезона. Клубот одржа и прес-конференција на која пред медиумите се обратија Веселин Вујовиќ, како и дел од новите засилувања. Еден од играчите кои летово пристигна во Скопје е хрватскиот интернационален Анте Кудуз кој доаѓа од екипата на Динамо Букурешт.

Кудуз со импресии говореше за Скопје и новиот клуб, очекува дека брзо ќе се вклопи во филозифијата на Вујовиќ и дека ќе му помогне на Вардар да бележи добри резултати.

-Дојдов во Скопје пред наеколку дена и можам да кажам само позитивни работи за градот. Се чувстувам добро, веќе се одомаќинив тука, што е многу важно за стартот на подготовките. Пресреќен сум и презадоволен, можам да ветам дека ќе давам се од себе на секој тренинг и натпревар. Вардар е еден од најсилните клубови во Европа и Македонски бренд, како што кажав во едно мое интервју, мојот сон беше еден ден да заиграм за Вардар. На мене останува само да работам и да ја оправдам довербата од тренерот, да ја разберам неговата филозофија на работа и да и помогнам на екипата да постигнува добри резултати, истакна Анте Кудуз

ФОТО: Гол.мк