Кукуловски: Вардар е македонски бренд, мојот брат ми ја пренесе љубовта кон ракометот

Оваа сезона, Европскиот ракометен Шампион промовираше неколку млади ракометари, а еден од нив е Дејан Кукуловски, кој игра на левата бековска позиција. Тој е еден од неколкуте играчи кои настапуваат и за Вардар Јуниор, кој е предводен од Стојан Петрушевски. Своето деби во првиот тим на Вардар, Кукуловски, го имаше во 2018 година, на натпревар од СЕХА-лигата против екипата на Брест Мешков, додека во ЛШ се најде во составот на црвено-црните на отварањето на оваа сезона, кога славевме на гостувањето кај екипата на Монпелје. Дејан успеа да запише и два погодоци во ЛШ, во домашниот триумф против екипата на Мотор Запорожје.

Следното наше блиц интервју ќе биде токму со овој млад играч, кој треба да добива повеќе шанса во иднина, со оглед дека има потенцијал и квалитет полека да се наметне во составот на Вардар. Дознајте нешто повеќе за Кукуловски преку следново интервју.

1. На колку години започна да играш ракомет ?

-  Кога имав 10 години

2. Кој е твојот матичен клуб ?

- РК Младост од Ресен

3. Ако не беше ракометар, со што друго ќе се занимаваше ?

- Најверојатно ќе играв кошарка

4. Што сакате најмногу да правите во слободно време ?

-Да шетам

5. Кој ви ја пренесе љубовта кон ракометот ?

- Мојот брат, тој играше ракомет па поради него започнав и јас

6. Омилена книга ?

- Не читам книги

7. Кој е вашиот ракометен идол ?

-Микел Хансен, тој ми е идол од секогаш

8. Тренер со кој имате најдолго работено ?

- Со мојот прв тренер од Ресен, Сандре Темелковски, како и со Стојан Петрушевски

9. Најголем другар во тимот ?

- Ги имам повеќе, не е еден

10. Омилен Европски град ?

- Порто ми оставил најдобар впечаток

11. Колку е Дејан добар ученик ?

- Одличен ученик

12. Најголем број на постигнати голови на еден официјален натпревар ?

- 13 голови

13. Каде се гледате во иднина ?

- Во некој голем европски клуб, како што е Вардар

14. Што претставува името Вардар за вас ?

- Вардар е македонски бренд и еден од најдобрите ракометни клубови во светот

15. Освен лев бек, дали сте играле и на другата позиција ?

- Не сум играл на друга позиција

16. Што е потребно за еден играч да прерасне во светска класа ?

- Треба многу да си посветен, многу работа, треба упорност, да се слуша, да се гледа и да се учи

17. Дали имате страв од нешто ? 

- Да имам, од змии

18. Дали имаш освоено поединечна награда во ракометот ?

- Немам освоено поединечна награда

19. Која е најголемата арена во која имате играно ?

- „Шпаркасе арена“ во Кил

20. Најсреќен момент во животот ?

- Кога потпишав договор со Вардар

21. Кој е најдобриот голман против кого сте играле ?

- Не можам да издвојам, има многу добри голмани

22. Каква музика слушате ?

- Најмногу поп музика

23. Омилен број ?

- Бројот 7 што го носам на дресот во Вардар

24. Дали Вардар во иднина може да ја освои и третата Европска титула ?

- Секако дека може

25. Дали се случило да ве испровоцира судија ?

- Да

26. Омилено јадење ?

- Стек во кари сос

27. Тенис или пинг-понг ?

- Тенис

28. Дали образованието го продолживте на факултет ?

- Да, на факултетот за туризам и менаџмент

29. Дали Македонија има млади надежни ракометари, каква е иднината на македонската репрезентација ?

- Има многу надежни ракометари и мислам дека ке биде и многу добра иднината на нашата репрезентација

30. Како се справувате со ситуацијава поради корона вирусов, дали имате посебна програма за одржување на физичката подготовка ?

- Седиме дома се чуваме колку што можеме, а за физичката подготвеност имаме програма од клубот по која сите работиме

Звонко Ивановски