Македонската сениорска ракометна селекција вчера пристигна во Краков- Полска каде ќе учествува на европскиот шампионат кој почнува утре 15 јануари и ќе трае се до 31 месецов. Нашите момци се наоѓаат во силна група со домаќинот Полска, нашиот северен сосед Србија и моќната репрезентација на Франција против која всушност утре го почнуваме нашиот настап на овој континентален собир.
Распоредот за играње на мечевите на црвено-жолтите избраници на Ивица Обрван е следен, по мечот со Франција утре играме во недела 17.јануари со домаќинот Полска во 20-30 часот, а последниот дуел кој се очекува да биде пресуден за нашиот пласмна понатаму го играме со нашиот северен сосед Србија на 19.јануари во 18 и 15 часот. Со француската најдобра селекција утрешниот меч е закажан за во 18-00 часот и од истиот ќе може да следиме директен пренос на Македонската радио и телевизија на првиот програмски канал, државната телевизија ќе ги пренесува и следните два меча во групата. Во експедицијата која е во Краков како што е веќе познато од нашиот шампион РК Вардар преставници се Манасков, Стоилов и Филип Лазаров.