Македонската ракометна селекција денес патува за Словенија на тест-двомеч

Денес попладне нашата машка сениорска ракометна репрезентација  ќе  патува за Словенија каде со две тест-средби против домаќинот ќе ги продолжи подготовките за Европското Првенство што почнува на 15 јануари. Македонскиот селекторот Ивица Обрван за Словенија повика 21 ракометар, а за пријателските средби во тимот нема да бидат Златко Даскалоски и Мартин Велковски. Во составот се и тројцата членови на црвено-црниот машки ракометен колектив : Столе Стоилов, Дејан Манасков и вардаровиот капитен Филип Лазаров.

Нашата А-репрезентација во Словенија ќе одигра два натпревари против домашниот национален тим и тоа  во понеделник од 18:00 часот во Кршко и во вторник од 18:30 часот во Целје. По тестовите со словенците следи  враќање во Скопје каде репрезентацијата ќе продолжи со тренинзи а ќе следуваат и уште два натпревари против Црна Гора. Мечевите со најдобрите ракометари од црногорската репрезенација се закажани за на 10 и 11 јануари,  а по тие тестови  селекторот ќе го соопшти и конечниот список за  патници на  Европското Првенство  во Полска.