Младинците на РК Вардар Јуниор ја победија Макс Струмица и стигнаа до втората последователна победа во пролетниот дел од лигата

Младинците на Вардар Јуниор кои се предводени од Пепи Манасков стигнаа до втората последователна победа во пролетниот дел од младинската група 2. Денес на Кале, црвено-црните ја победија екипата на Макс М АД Струмица со резултат 28:23.

Одлично го отворивме натпреварот каде во првите пет минути имавме водство од 4:1, по што му дозволивме на противникот да постигне четири голови во серија и за прв пат на натпреварот да биде во предност од 4:5. Имаше Макс Струмица водство и од 5:6, но младинците на Вардар вратија со серија од три погодоци за повторно да ја вратат предноста од 8:6. Од тој момент па се до крајот на мечот, Вардарци постојано беа во водство и го контролираа реѕултатот. Повторно ги враќаме оние највисоки три голови разлика, стекнати на стартот на натпреварот (11:8) а со истава разлика заминуваме и на одмор кога резултатот на семафарот глaсеше 14:11

Одлично го стартувавме и второто полувреме кога постигнавме два последователни голови и зголемивме на најголеми пет гола (16:11), Како течеше натпреварот избраниците на Пепи Манасков играа се подобро и константно го зголемуваа водството. Во еден момент од мечот, екипата на Вардар имаше и убедливи 20:13, но гостинот не секаше предвреме да се предаде па одговори со три голови во серија да намали на 20:16 и да не дозволи предвреме да се реши победникот. Сепак Вардарци имаа целосна контрола на реѕултатот и не дозволија нивната предност да биде зaгрoзена. Имавме пет голови разлика на пет минути пред крај, а последните минути беа рутина ѕа нашиот состав кој стигна до триумф изразен со резултат 28:23.

Најефикасни во нашите редови беа Лука Благопетров и Иван Барлаковски кои постигнаа по 6 голови. Ова е вкупно четврта победа за Вардар Јуниор во својата група, а втора во пролетниот дел откако во претходното коло на гостински терен го совладавме Делчево.

РК Вардар Јуниор: Стојчевски, Јорданов 4, Овнарски, Јаховиќ 5, Барлаковски 6, Крстевски, Блажевски, Благопетров 6, Чупетрески 1, Стојановски, Каимовски, Хаџидимовски 4, Давчев 1, Василевски, Тевдовски, Симовски 1.