Vardar Fans
Младинците на РК Вардар Јуниор го одиграа осмото коло во рамките на младинската група 2. Противник за избраниците на Зоран Петковски беше екипата на Радовиш. Овој меч се одигра во спортскиот ракометен центар Кале и заврши со триумф на црвено-црните со резултат 46:35.
Во натпревар со многу погодоци каде однапред се знаеше победникот на натпреварот, можеше да се дозволат и “експерименти“ кои во понатамошните натпревари може да се користат во одредени мооменти на натпреварите што следат. Шанса добија сите ракометари кои беа на располагање за овој меч. По првото полувреме имавме минимално водство од 24:23. Најефикасни беа Стоилевски со 7 голови, Амзоски со 6 и Димитров со 5 голови.
Со овој триумф РК Вардар Јуниор е многу блилску до пласман на завршниот турнир на најдобрите четири екипи. Првото место го држи екипата на пролет 62, кој има само еден бод повеќе од второпласираниот тим на Вардар. На треттото место се наоѓа екипата на Металург. До крајот остануваат уште два натпревари за играње. Во следното коло гостуваме во Струмица на екипата на Зомимак, додека во последното коло од групата на домашен терен го пречекуваме Металург.
