Во најинтересниот натпревар на Јуниор лигата, РК Шампион ја победи Академија 2

Во најинтересниот натпревар во рамките на Јуниор лигата, екипата на РК Шампион беше подобра од Академија 2. Ова беше меч во машка конкуренција, во највозрасната генерација родени 1998/99 година. Конечниот резултат на овој дуел гласеше 20:21.

Натпреварот започна со гол на РК Шампион кој имаше постојана предност до првата половина на првиот дел од еден до два гола разлика. При водство на РК шампион од 4:7, следиме комплетен резултатски пресврт на овој меч. Академија 2 во овој период ја имаше својата најдобра игра на теренот, успевајќи да постигне пет гола во серија и да стигне до прво водство на овој меч од 9:7. Во наредните минути се играше гол за гол на двете страни, Академија 2 поведе дури и со највисоки 11:8. Дефинитивно во овој дел од мечот Академија беше подобар противник на теренот, предноста се зголеми и на четири гола 14:10. Сепак до крајот на првото полувреме, РК Шампион ја стабилизира својата игра и со три погодоци во серија комплетно се врати во натпреварот. Првото полувреме заврши со резултат 14:13.

Во второто полувреме се играше израмнето, при резултат 15:15, РК Шампион со два последователни гола успеаа да се одлепи на 15:17. Екипата на Академија 2 не се предаваше и успева да донесе ново израмнување на натпреварот 18:18. Сепак финишот му припадна Шампион, каде успеаа да поведе со 19:21. До крајот на мечот Академија постигна еден гол, кој не беше доволен ни за нерешен резултат.