Младинците на РК Вардар во 2.коло гостуваа кај тимот на РК Пролет, црвено-црните момци вчера беа поразени во еден динамичен дуел со резултат 32-29.
Двата тима тргнаа рамноправно на оваа средба, тоа се покажа по воведнте 10.минути коге беше 6-6. Како што започна така и продолжи првиот дел на овој младински дуел, двата тима постојано беа околу резултатската симетрија, со реми 11-11 влеговме во последните 2 и пол минути. Домаќинот на крајот врза два гола и на одмор замина со резултат 13-11.
Во 37.минута бевме во незавидна положба, домаќинот поведе со пет гола (19-15) и добивме искучување, бевме помалце во поле. Следеа неверојатни минути за нас, се издигнавме од пепелот, успеавме целосно да го смениме текот на дуелот и направиме пресврт, поведовме со 22-24. За жал немавме сили да издржиме, домаќинот врати и он направи пресврт. Ние бевме поразени со 32-29 на оваа средба.