Vardar Fans
Продолжуваат натпреварите од Плеј-Офот во ракометната Супер Лига, на програмата е 3.коло, во кое Вардар на домашен терен го пречекува тимот на Бутел. Црвено-црните се фаворити за освојување на бодовите, а тоа треба да се потврди на терен. Владо Недановски, тренерот на Вардар, истакна дека против Вардар секој е мотивиран и дека Бутел е сериозен тим.
„Секој меч е посебен, и меч за себе. Кога играат против Вардар сите се мотивирани. Затоа ние сме постојано подготвени за секој предизвик. Играме ден порано за да можеме да имаме потоа ден одмор, и плус уште два дена плус за подготовки за следниот меч од СЕХА лигата против Партизан.
Бутел е сериозен тим, каде има и и млади и искусни ракометари. Знаат добро да играат и тоа го покажаа и во првиот дел од сезоната. Ние направивме анализа и секако сме подготвени, истакна Недановски.
Натпреварот вечерва се игра со почеток од 18:30 часот во С.Ц. Јане Сандански.
