Борозан:Пречекот во Скопје беше навистина неверојатен, нешто што ќе го паметам цел живот

Најдобриот спортст на Црна Гора за 2017 година, Вуко Борозан во интервју за медиумите во Црна Гора зборуваше за успехот на Вардар и освоената Европска титула. Црвено-црните успеаа од “сенка“ да ги совладаат фаворитите на завршниот турнир во Келн и да стигнат до првата титула во Лигата на Шампионите, во историјата на клубот. Вуко вели дека успесите се должат на напорната работа и вербата во себе.

-Имав година од соништата, се е плод на напорната работа. Да ја освоиш ЛШ е сон на секој ракометар, цело време верувавме во себе, како времето одминуваше сфаќавме колку вредиме и можеме, затоа што реално на почетокот од сезоната немавме премногу ѕвезди во тимот. Сега се е друго, сите знаат што може Вардар продолживме во ист ритам.

Пречекот во главниот град на Македонија, после пристигнувањето од Келн сигруно дека ќе остане во вечно сеќавање на сите ракометари и сигурно дека тие моменти ја одбележаа изминатата 2017 година.

-Пречекот во Скопје беше навистина неверојатен, нешто што ќе го паметам цел живот. Уште еднаш се уверивме колку ракометот се цени во Македонија и дека е спорт број еден. Се чувствувавме како шампиони во својот град, пред 50.000 луѓе. Но, се чувствуваме исто и денес, затоа што во Македонија ракометарите се нешто посебно. Мора да бидете таму за да го доживеете тоа. Кога излеговме на бината и кога грмна песна од преполниот плоштад, сфативме што направивме. Скопје ја заслужи европската титула, истакна Борозан.