Vardar Fans
Успешен старт за младинската ракометна репрезентација на ЕХФ Шампионатот, кој наредниов период ќе се игра во Скопје, во С.Ц. Борис Трајковски. Избраниците на Данило Брестовац беа убедливо во првото коло, совладувајќи ја високо селекцијата на Велика Британија.
Само во првите пет минути имавме проблеми кога имавме негатива од 1:3, за во следните 20 минути, противникот да постигне еден гол, за разлика од Македонија која го полнеше голот на британците, за да имаме високо водство од 12:4. До истекот на првите 30 минути, стигнавме до двоцифрена предност од 15:5. Супериорни бевме и во вториот дел, кога само ја зголемувавме разлика, за на крајот да славиме убедливо со конечен резултат од 32:15.
Во листата на стрелци во овој прв триумф се запишаа и ракометарите од Вардар. Марко Мишевски постигна два гола, додека по еден постигнаа Иван Димитровски и Дејан Кукуловски. На голот Марко Кизиќ имаше четири одбранети удари, од кои еден седмерец.
