Vardar Fans
Во текот на вчерашниот ден се одиграа два натпревари во најсилната група Б, со кои продолжија возбудувањата во лигата на шампиони. Победи забележаа екипите на Брест Мешков и Рајн-Некар во дуелите со Пик Сегед и Киелце. Ова се резултати кои одат во прилог на Вардар, кој со победа утре против Загреб може да се врати на првото место во оваа група.
Рајн-Некар по втор пат сезона издвојува победа против Киелце. Домашниот тим во текот на целиот натпревар имаше постојано водство и заслужено ги освои бодовите. Рајн-Некар добро го отвори мечот и поведе со 3:0, додека првиот гол гостинскиот тим го постигна во 4 минута преку Илјевски за да следи уште еден погодок на Киелце за намалување на 3:2. Во првите 30 минути предноста за бундеслигашот се движеше од 2-4 голови разлика, а а само еднаш и тоа пред крајот на првиот дел Киелце успеа да намали на еден гол разлика. Во 11 минута со голот на Сигурдсон, Рајн-Некар поведе со 8:5 за во 19 минута преку Ларсен да има има највисоки четири голови предност (11:7). Истава разлика ја одржуваа и на пет минути пред крај кога резултатот беше 14:10, за да следи серија на Киелце од три последователни голови и тоа сите на Штрлек за намалување на 14:13. Но сепак до крајот на првото полувреме за нецела минута, избраниците на Јакобесен постигнуваат два гола и на одмор заминуваат со водство од 14:13. Во првиот дел одлични на голот беа Палицка и Ивиќ кои имаа по 8 одбрани.
Првиот гол во второто полувреме е за Киелце, за момент да го намали резултатот, за Рајн-Некар набрзина да ги врати највисоките четири голови разлика (18:14). Домашниот тим не дозволуваше Киелце да се доближи резултатски, па во наредните минути само го зголемуваше водството. Во 42 минута стигнаа и до најголеми шест гола (21:15). Неизвеснот во мечот донесе штрлек кога на пет минути пред крај намали на 25:23, но до крајот Рајн-Некар не дозволи изненадување и успеа да слави со резултат 28:25. Сигурдсон беше најефикасен со 7 голови, додека кај поразениот се истакна Агинагалде со 5 погодоци. Голем удел во победата има и голманот Андреас Палицка.
Интересен натпревар одиграа и екипите на Брест Мешков и Пик Сегед, натпревар кој на крај им припадна на Белорусите. Избраниците на Бебешко поведоа со 2:0, по што во следните минути, Пик Сегед успеа да го израмни резултатот на 5:5. Брест прв успеа да се одлепи резултатки и со серија од 4:0 да поведе со 9:5, но избраниците на Пастор повторно го возвраќаат ударот и израмнуваат на 11:11. До крајот на првиот дел се игра гол за гол, за на полувреме ниедна од екипите да нема водство (14:14). Во првите 15 минути од второто полувреме гледавме неизвесен меч и ниту една од екипите не успева да поведе со повече од еден гол разлика. Сепак Брест Мешков повторно прв го прави решавачкиот чекор и успева да поведе со 20:17. Во последните четири минути во два наврати Пик Сегед го намалуваше резултатот на еден гол, но во финишот Мешков ја задржа предност и на крај забележа триумф од 25:23. Џамали беше најдобар стрелец кај победникот со 8 голови, додека на спротивната страна Калман постигна 6.
Доколку Вардар го победи Загреб, нашиот состав ќе го потисне Пик Сегед а ќе се израмни со Киелце по освоени бодови. Сепак Вардар има подобра гол разлика па по завршување на ова коло ќе биде на првото место. Ова е голема шанса за Вардарци утре да слават и да се вратат во подеднаква борба за освојување на првото место кое води директно во четвртфиналето.
