Неверојатна сезона за Милосављев на голот на Вардар, само на еден меч во ЛШ немаше одбрана

Дејан Милосављев по само една сезона го напушти Вардар и се пресели во екипата на Фуксе Берлин. Овој 23 годишен голман кој дојде како „анонимен“ од екипата на Партизан се покажа како големо засилување за црвено-црните, успевајќи во првата сезона со Вардар да ја освои Европската титула.

Што се однесува до статистиката повразана со Милосављев, српскиот голман имаше неверојатна сезона во Вардар, а само на еден меч во Лигата на Шампионите не успеа да запише интервенција. Тоа се случи на реванш дуелот од 1/8 финалето против екипата на Загреб, кога на голот сите 60 минути беше Калифа Гедбан. На сите останати 19 дуели сезонава во најголемото натпреварување, Милосављев имаше одбрани, а дури на 12 меча имаше двоцифрен број на одбранети удари. Најмногу интервенции „банда“ имаше на отварање на сезоната, кога на гостински терен го победивме Монпелје, како и на полуфиналниот дуел во Келн против Барселона, кога Милосављев имаше 15 одбрани.

Вакви се бројките на Дејан Милосавњљев оваа сезона:

Монпелје – Вардар (15 одбрани)

Вардар – Кристијанштад  (9)

Веспрем – Вардар  (12)

Вардар – Рајн Некар (9)

Киелце – Вардар  (11)

Вардар – Мешков Брест (3)

Вардар – Барселона  (8)

Барселона – Вардар (11)

Мешков Брест – Вардар (10)

Вардар – Киелце  (11)

Рајн Некар – Вардар (10)

Вардар – Веспрем  (13)

Кристијанштад – Вардар  (4)

Вардар – Монпелје  (14)

ППД Загреб – Вардар (14)

Вардар – Пик Сегед  (10)

Пик Сегед – Вардар  (7)

Барселона – Вардар  (15)

Вардар – Веспрем  (7)