Довчерашниот голман на Вардар Јуниор, Никола Кизиќ во новата сезона ќе настапува за новиот суперлигаш, екипата на Струга.
Тимот на Струга има високи амбиции во новата сезона, а за истите да ги оствари на голот го донесе еден од повозрасните од браќата Кизиќ. Никола помина осум години во Вардар и ги помина сите младински категории на клубот, една сезона беше дел од Вардар 2 натпреварувајќи се во првата македонска лига, во која беа вицешампиони, додека две сезони го бранеше голот на Вардар Јуниор, во рамките на супер лигата. Исто така има забележано настапи и за првиот тим на Вардар.
Предводник од клупата на Струга ќе биде добро познатото лице, Доне Бошковски. Нови засилувања на екипата се Ненад Костески, грузиецот, Лексо Цицијашвили и десниот бек, Стефан Трпчевски, кој исто така дојде од Вардар Јуниор и беше најдобар стрелец на црвено-црните, за изминатата сезона.