Tuesday ,19 March 2024
Последни:
Home > РК Вардар > Младински лиги > Пионерите на РК Вардар редат победи, совладан Аеродром во гости
Пионерите на РК Вардар редат победи, совладан  Аеродром во гости

Пионерите на РК Вардар редат победи, совладан Аеродром во гости

Пионерите на РК Вардар имаат 100% ефект во лигата, тие денес дојдоа до втора победа во пионерската лига. Ние во 2.коло гостувавме кај тимот на РК Аеродром, момците на Зоран Петковски-Зенга триумфираа со резултат 14-18 (8-10) на оваа средба.

Црвено-црните момци отворија со одлична игра во одбраната, тоа беше наградено во напад за почетни 0-4. Веќе на стартот се насетуваше нашата доминација на оваа пионерска средба. Домаќинот успеа пред самиот финиш да се доближи на само еден гол негатива, погодувајќи за 8-9. Ние во последниот напад одигравме одлично постигнавме гол па на пауза заминавме со предност од два гола. За време на паузата на семафорот во салата “Автокоманда“ стоеше резултатот 8-10 за момците на Зенга.

Повторно имавме добар влез во полувремето, по само два напада со два погодока ги вративме четирите гола предност. Ние поведовме со резултат 8-12, на самиот почеток на вторите 20.минути. Одигравме умешно и квалитетно, влеговме во игра гол за гол со која ја чувавме предноста од четири гола. Токму со толкава разлика и дојдовме до втора победа во вториот меч во пионерската лига. Триумфот дојде со резултат 14-18.

Кај нас Александар Стојменов постигна 4 гола, по три гола имаа тројца момци, станува збор за: Андреј Петрушевски, Иле Табаков и Тадеј Аритонов.