Saturday ,27 February 2021
Последни:
Home > РК Вардар > Младински лиги > Младинците на РК Вардар Јуниор како “препородени“ во пролетниот дел, избраниците на Манасков убедливо ја поразија Македонија Ѓ.П.
Младинците на РК Вардар Јуниор како “препородени“ во пролетниот дел, избраниците на Манасков убедливо ја поразија Македонија Ѓ.П.

Младинците на РК Вардар Јуниор како “препородени“ во пролетниот дел, избраниците на Манасков убедливо ја поразија Македонија Ѓ.П.

Младинците на ракометниот клуб Вардар стигнаа до нова третта последователна победа во својата група 1 од младинската лига. Вечерва во спортската сала, избраниците на Пепи Манасков убедливо ја совладаа екипата на Македонија Ѓ.П.

Вардарци први го отворија резултатот и поведоа со 0:1, по што домашната екипа постигна четири голови во серија и поведе со 4:1. Во следните пет минути, екипата на Македонија Ѓ.П. ја одржуваше оваа предност од три гола, но црвено-црните полека го фаќаа потребниот ритам и со три сврзани погодоци израмнуваат на 6:6. Противникот повторно поведе со 8:6, но Вардар врати на ист начин и не дозволуваше ново одлепување на домашниот тим. При водство на Ѓорче од 9:8, нашиот состав прави серија од 0:3 и за прв пат има два гола предност (9:11). Следи фуриозан финиш на првиот дел за нашите младинци, кои од 11:12 постигнуваат четири последователни голови и на одмор заминуваат со највисоки 11:16.

Второто полувреме започна со два гола на домашниот тим за намалување на 13:16, но избраниците на Манасков повторно со серија од три погодоци стигнуваат до највисоки шест голови предност (13:19). До крајот на натпреварот, гледаме целосна доминација на Вардар кои како одминуваа минутите постојано го зголемуваа водството. Кога стигнавме до двоцифрена предност од 17:27 беше јасно кој ќе ги освои бодовите од овој натпревар. Се што успеа во продолжение од мечот, Ѓорче е да намали на 24:32 и ништо повеќе. Во последните пет минути од дуелот, црвено-црните ја вратија двоцифрената предност и на крајот славеа со резултат 26:36.

Лука Благопетров беше најефикасен со 8, додека Никола Хаџидимовски постигна 7. Ова беше третта последователна победа за младинците на Вардар Јуниор во пролетниот дел, а вкупно петта оваа сезона. На тој начин ги одржавме шансите за пласман на завршниот турнир.