Продолжуваат добрите игри за РК Кастратовиќ од генер.“2004/05, кои денес славеа нова убедлива победа во Јуниор лигата

На последниот натпревар од денешната програма во “Јуниор“ лигата, во големата сала на С.Ц. Јане Сандански се сретнаа екипите на Опш. Кисела Вода 1 и РК Кастратовиќ, во женскиот дел кај генерација родени “2004/05 година.

Сребрените девојки на Здравка Дамовска од последното издание на турнирот “Вардар, еден живот, една љубов“ продолжуваат со добрите игри и во Јуниор лигата. Тие денес издвојуваа висока победа. Добро го започнаа мечот каде имаа водство од 0:4, за Кисела Вода да го постигне првиот гол и да го намали резултатот. До крајот на првото полувреме, РК Кастратовиќ прави нова серија од 1:6 и на полувреме заминува со предност од 2:10.

На стартот на второто полувреме, избраничките на Дамовска постигнуваат нови четири погодоци за веќе да имаат двоцифрена предност од 2:14. До крајот на првото полувреме се одржуваше оваа разлика, за мечот да заврши со конечен резултат од 5:18.

Најефикасни во победничкиот тим беа Софија Стојчевиќ и Јана Митова со по 3 погодоци.