Thursday ,02 April 2020
Последни:
Home > РК Вардар > Младински лиги > (ФОТО) Одиграни првите натпревари во новото коло од ракометната „Јуниор Лига“
(ФОТО) Одиграни првите натпревари во новото коло од ракометната „Јуниор Лига“

(ФОТО) Одиграни првите натпревари во новото коло од ракометната „Јуниор Лига“

Денес во С.Ц. Јане Сандански започна ново коло во ракометната „Јуниор Лига“. Во големата сала утрово се одиграа два натпревари во машкиот дел кај генерацијата родени 2008/09 година.

На првиот дуел се сретнаа екипите на РК Филип и Кисела Вода, кој заврши со нерешен резултат 16:16. Во текот на целиот натпревар гледавме израмнета игра, на кој и двете екипи се менуваа во водство. Тимот од Прилеп во првото полувреме, во неколку наврати имаше предност и од два гола. Така беше кога резултатот беше 5:3 и 6:4, но екипата на Кисела Вода врати со серија од 0:3 и поведе со 6:7. Имаше екипата на Кисеа Вода и водство од 8:9, но следеше добар период за прилепчани кои постигнаа три последователни голови, па на полувреме се стекнаа со предност од 11:10.

1 2 3 4 5

Во второто полувреме видовме помал број на голови, а екипата на Кисела Вода имаше добри пет минути кога со серија од 0:3 го превзеде водството од 11:13. Тие беа во предност и во последните три минути кога водеа со 14:16, но екипата на РК Филип ги постигна последните два гола и се избори за бод од овој интересен меч во „Јуниор Лигата“.

На вториот меч во истава генерација силите ги одмерија екипите на Ангели и Седмерец. И на овој дуел имаше возбудувањата се до последната минута, а победата со два гола разлика (17:19) ја однесе екипата од Охрид. Во првото полувреме се играше израмнето и ниту една од екипите немша поголема предност од еден гол, а на полувреме, Седмерец имаше минимална предност од 7:8.

6 7 8 9 10 11 12 13

Екипата на Ангели подобро го стартуваше второто полувреме кога успеа да направи серија и да поведе со 11:9. Сепак екипата на Седмерец го израмнуваше резултатот, за повторно Ангели да имаат два гола позитива (16:14). Сепак екипата од Охрид имаше подобри завршни пет минути во кои направи серија од 1:5 и на крајот дојде до триумф од 17:19.