Првиот натпревар на домашен терен во новата сезона од Лигата на Шампионите, за екипата на Вардар. Попладнево со почеток од 17:30 часот во С.Ц. Јане Сандански ќе гостува екипата на Кристијанштад од Шведска.
Вардар влегува како фаворит на овој дуел и според квалитетот и според домашниот терен. Ова ќе биде седми меѓусебен дуел на овие две екипи, а сите претходни шест натпревари му припаднаа на Вардар. Што се однесува до играчките промени кај противникот, немаше многу во однос на минатата сезона. Екипата ја засилија шпанецот Марк Кањелас и исланѓанецот Еинарсон, додека од екипата замина данецот, Тим Соренсен. Кристијанштад започна добро во националното првенство, каде по првите четири одиграни кола има и исто толку победи. Тие последните години се редовен учесник во Лигата на Шампионите, а минатата сезона стигнаа и до најдобрите 16 екипи.
Како што е познато во Вардар ќе недостасуваат Стоилов и Горбок, додека сите останати играчи се на располагање на тренерот, Гарсија Парондо. Голманската двојка повторно ќе ја сочинуваат, Милосављев и младиот Кизиќ.
Очекуваме полна сала и голема поддршка за црвено-црните, кои ја очекуваат првата победа пред своите навивачи.