Најдобриот македонски ракометар на изминатиот дваесетти век, Пепи Манасков е дел од младинската Академија на ракометниот клуб Вардар. Тој лани го предводеше младиот сенииорски суперлигаш РК Вардар Јуниор, а оваа сезона работи со младинците на црвено-црните. Манасков сега доби и нова улога во сениорската машка ракометна репрезентација.
Селекторот на сениорскиот црвено-жолт тим Лино Червар го прошири проширен стручен штаб. Во него прв помошник ќе му биде Илија Темелковски кој воедно е и селектор на младата репрезенација до 21 година на земјава. Селекторот за нов помошник го назначи и легендата на македонскиот ракомет, Пепи Манасков кој ќе биде дел од процесот на подмладување на селекцијата и создавање компактен тим. Манасков кој долго го носеше репрезентативниот дел, имаше богата кариера во која на неколку наврати играше и за РК Вардар. Двете селекции сениорската и младинската се на подготовки од денес во Маврово до 30-ти месецов. Поопширно за тоа и бројот на повикани играчи од нашиот црвено-црн тим може да прочитате на нашиот сајт-овде.