Европскиот ракометен шампион во четвртокот ги стартуваше подготовките за новата натпреварувачка сезона. Екипа до вторник ќе тренира во С.Ц. Јане Сандански, а од среда заминува на подготовки во Крањска Гора. Петта последователна година, клубот се решава главниот дел од подготовките да го одработи тука. Крањска Гора се наоѓа помеѓу Словенија, Италија и Австрија, а познато е по прекрасниот пејсаж. Ова место е домаќин на светскиот куп во скијање – Покала Витранц, т.е. на натпреварот на Светскиот куп во скијачки скокови во Планица. Ова висинско место нуди одлични услови за работа, а црвено-црните петтаа последователна година се одлучуваат главниот дел од подготовките да го реализираат токму на ова место. Покрај физичката и кондиционата подготовка на момците, ќе се работи паралелно во сала и теретана. Покрај Вардар, словенечкиот спортски комплекс го користат и многу други познати спортски клубови во Европа.
Од Крањска Гора, директно се упатуваме до Германија, каде на 11-ти август ќе го играме првиот контролен натпревар, а противник е тимот на Бершигер. Остануваме во оваа земја, каде на 12-ти август ќе бидеме дел од силниот турнир во организација на Гумерсбах. Истиов ден ќе играме против Рајн-Некар, додека другата двојка ја сочинуваат Фленсбург и домашниот тим. Победниците од овие мечеви, следниот ден ќе играат во финалето на турнирот. Најголемиот предизвик, Вардарци ги очекува во периодот од 24-27-ми август, кога ќе настапиме на светското првенство, “Супер Глоуб„ .