Пионерите го пречекуваат Аеродром, кадетите на РК Вардар домаќини на грчкиот тим Вегиа

Од младите категории на ракометниот клуб Вардар овој викенд ќе бидат активни две генерации. Веќе се завршени првенствата во машката младинска и кадетска конкуренција и во женската пионерска и кадетска лига. Дуелот на младинките на ЖРК Вардар е одложен, а единствени првенствен дуел ќе играат пионерите, апак кадетите ќе одиграат меѓународен пријателски дуел.

Кадетите на Вардар предводени од Будимир и Станковски ќе бидат домаќини на тим од јужниот сосед, Грција. Станува збор за екипата на  Вегиа со која имаат пријателски односни и веќе неколку заеднички средби. Мечот ќе се игра во сабота, 1.декември со почеток во 12-30 часот во малата сала при СЦ “Јане Сандански“-Скопје.

Пионерите на Вардар, предводени од Зоран Петковски- Зенга ќе играат против тимот на РК Аеродром во дуел од 5.коло во групата-1. Натпреварот се игра понеделник, 3.декември со почеток во 20-30 часот. На оваа  средба ќе бидеме домаќини во големата сала при СЦ “Јане Сандански“.