Vardar Fans
Машката пионерска екипа на РК Вардар со две победи стартуваше на силниот меѓународен турнир “Трофеј Белград„. Избраниците на Петковски и Бисинов успеаа да ги добијат првите два натпревари во рамките на групата Д.
Најпрво утрово за прв противник го имавме тимот на Вождовац кој го совладавме минимално со резултат 10:9. На овој меч постојано имавме предност и на крајот заслужено стигнавме до победата. На полувреме црвено-црните имаа солидно водство од 6:2. Се играат две полувремиња по 15 минути и 5 минути одмор помеѓу двата дела. На вториот меч се сретнавме со екипата на Рибница, која ја победивме убедливо со двоцифрена разлика (22:12). Тука имавме контрола во текот на сите 30 минути и целосно го надигравме противникот. По првите 15 минути пионерите на Вардар беа во предност од 9:5.
Во текот на утрешниот ден ги играме останатите два натпревари од групата. Противници се екипите на Шрам од Словенија и Партизан од Белград. Решавачки за првото место во групата кое носи пласман во полуфиналето ќе биде утринскиот дуел против екипата на Шрам, кој започнува од 09:35 часот.
