Вардаровите ракометни надежи, пионерите на ракометниот клуб Вардар од денес се дел од ракометен силен, меѓународен турнир кој ќе се игра во Брчко – Босна и Херцеговина. Тие денес на истиот го одигра првиот меч и ја забележаа прва победа.
Момците на Вардар се сретнаа со екипата на УБ и триумфираа со резултат 20-11. Уште по крајот на првиот дел се насетуваше нашата победа истиот го завршивме со пет плус, 11-6. Во вториот дел со исти ритам ја зголемувавме и речиси ја дуплиравме предноста од првиот дел. Прв стрелец на денешниот меч во тимот предводен од Будимир беше Бојан Чакалиќ кој постигна 4 гола.
Покрај него другите погодоци ги постигнаа следните момци: Дамјан Димитриевски 3, Никола Жерновски 3, Давид Савревски 3, Ненад Ангеловски 2, Велимир Грујовски 2, Давид Мирчевски 1, Јован Танев 1, Горјан Трајчевски 1.