Пионерите на ракометниот клуб Вардар вечерва беа гости на екипата на Бутел, на натпревар од 6.коло рамките на групата 2 од младинската лига.
Иако многу помлади од противникот, сепак избраниците на Зоран Петковски беа рамноправен противник во најголем дел од мечот. Домашниот тим беше постојано во предност, но црвено-црните на моменти опасно се закануваа на нивната позитива. На полувреме, екипата на Бутел имаше предност од 18:12. Гледавме многу голови и во второто полувреме, а на крајот за два гола разлика како подобра се покажа екипата на Бутел, која славеше со резултат 33:31.
Во младинската лига, вардаровите пионери досега имаат одиграно пет натпревари, на кои имаат скор од една победа и четири порази. Единствениот триумф за нашите млади надежи беше на дуелот против екипата Јуниор Кисела Вода. Во следното коло, Вардар е домаќин на тимот на Струга.
Истиов состав веќе во недела ги очекува меч од пионерската лига. Таму сме доминантни со максимален број на освоени бодови, а следниот натпревар е на домашен терен против екипата на КЛ7.