Vardar Fans
Пионерите на РК Вардар кој вчера помалку несреќно на пенали испаднаа во четвртфиналето на силниот турнир во Грција, утрово одиграа меч во разигрувањето за пласман од 5-та до 8-та позиција. Тие повторно играа со тим од Грција и како и со двата грчки состави во групата однесоа победа на турнирот.
Тие во мечот кој носеше пласман во битката за петтото место на турнирот се сретнаа со екипата на ПАОК од Грција. Првиот период беше израмнет и заврши со реми. Двата тима постигнаа по едининаесет погодоци за резултатска симетрија на семафорот пред одморот, 11-11. Во вториот дел на сцена стапи нашето најсилно оружје на оваа пионерска екипа, одбраната. Со одлична игра во одбрана и сигурна реализација во нападот во вториот дел направивме “четири гола плус“. На крајот од мечот триумфиравме со резултат 23-19. Повторно како по правило стрелец број еден беше Бојан Чакалиќ тој постигна 8 погодоци, Савревски Давид погоди 4 пати, Димчевски Благоја беше стрелец на 3 гола, по двапати во листата на стрелци се впишаа: Жерновски Никола, Грујовски Велимир и Калајџиев Симон. Србиновски Дамјан и Мишевски Марио постигна по еден гол. Со оваа победа закажавме меч попладнево за 5-то место со екипата на Дикеа која во групата ја збришавме лесно.
Кординаторот во Академијата-Папуџиева и тренерот Будимир
Вчерашниот пораз во 1/4-финалето несмее да биде демотивирачки за оваа најнадежна вардарова генерација. Тие во македонксата лига се на чекор до пласман во завршниот Ф-4 каде што очекуваме титула. Тие се последна надеж за “злато“ во машка конкуренција откако вчера кадетите освоиа “сребро“. Покрај ова тимот покажа дека е зрел за големи успеси, донесе злато од Србија, доби покана за овој силен турнир на кој веќе нанижа три победи и едно реми. Покрај ова наскоро ќе настапат на нов силен турнир во Завидовиќ каде повторно ќе атакуваат на врвот. Тој турнир ќе се одигра од 21 до 23 април. Браво момци за игрите досега и очекуваме и веруваме во иднина дека ќе ни приредите големи радости. Тренерот на оваа генерација А.Будимир по вчерашниот несреќен пораз на пенали изјави:
- Иако бевме поразени во овој дуел сепак големо е задоволството да се учествува на еден ваков силен меѓународен ракометен турнир со мојте пионери од Вардар. Иако ќе играме за 5-то место моите момци беа на висината на задачата. Покажавме дека сакаме и дека можеме. Продолжуваме и понатаму со макотрпна и предана работа, бидејќи нашата цел секогаш ќе биде победничкиот пиедестал на турнирите кои престојат во иднина за момците- вели Будимир.
