Vardar Fans
Вечерва ракометниот клуб Вардар одигра нов натпревар во СЕХА-лигата, каде гостуваше во Прешов на екипата на Татран. Момците на Раул Гонзалес покажаа дека се владетели во регионалната лига и триумфираа со резултат 22-30.
На почетокот со два последователни гола црвено-црните се одлепија на 0-2. Потоа се играше рамномерно, во игра гол за гол на двете страни паднаа по пет погодоци се до 13.минута, ние и понатака водевме со “плус два“ 5-7. Потоа со два гола по ред нашите момци се одлепија првпат на четири гола, поведувајќи со 5-9 во 16.минута од мечот. Следеше период во кој домаќиниот од минута во минута се доближуваше, па така успеа и да изедначи на 12-12 во 26.минута од првиот период. Во финишот успеавме со гол предност да го однесеме дуелот на одмор, на полувреме на семафорот стоеше 13-14 во наша корист.
Вториот дел почна со гол за домаќинот и изедначување на 14-14, во првите десет минути од вториот дел ние успеавме повторно да се вратиме во позитива, поведовме со резултат 16-19 во 41.минута. Умно и паметно вториот дел го одигравме па така во последните 10.минути влеговме со “плус четири“ 19-23. Не давајќи на домаќиниот да ни се приближи во ниту еден момент, покажувајќи класа во однос на домашниот тим иако отидовме со некомплетен состав за овој натпревар. Одлично издание во вториот дел имаше Џамбо Милиќ кој денес бранеше и покажа дека е солидна замена на големиот Штербик. На крајот триумфиравме високо над Татран со резултат 30-22.
Голамнот С.Милиќ-Џамбо имаше 12 одбрани, во офанзива Тимур Дибиров со 9 гола беше прв стрелец кај нас на овој дуел.
