Vardar Fans
Младинците на Вардар Јуниор со победа се враќаат од гостувањето во Велес, откако вечерва славеа во дуелот со екипата на ГРК Борец. На натпревар со многу погодоци, избраниците на Манаасков и Петрушевски ја однесоа победа, со резултат 32:37.
Мора да се напомене дека во текот на целиот меч имавме постојана предност, која ниту во еден момент не беше загрозена. Тргнавме фуриозно во мечот кога поведовме со 0:4, за првиот гол домашниот тим да го постигне по шест минути игра за намалување на резултатот. На секој гол на Борец, црвено-црните враќаа со два погодоци, што значеше и константно зголемување на водството. Во еден момент, противникот се доближи на три гола негатива (5:8), но Вардар Јуниор со серија од 1:3 стигна до пет голови разлика (6:11). До крајот на првото полувреме имавме постојана предност која се движеше од 5-6 голови, а во последната минута од првото полувреме успеавме да стигнеме и до највисоки седум голови позитива и на одмор да заминеме со убедлива предност од 12:19.
Во второто полувреме во неклку наврати имавме и осум голови предност, додека домашниот тим најмногу што успеа да стори е да ја намали негативата на пет голови. Избраниците на Манасков имаа целосна контрола на резултатот и континуирана предност од 5-8 голови разлика. На крајот заслужена победа за младинците на Вардар Јуниор, изразена со резултат 32:37.
Ова беше четврта победа за младинците на Вардар Јуниор, во рамките на групата 2 од младинската лига, во која имаме уште два порази. За црвено-црните останува да се доигра уште одложениот меч од 6.коло против екипата на Бутел.
Вардар Јуниор: Јанковски 2, Кукуловски 4, Нанов, Јакимовски 4, Постолов 1, Карапалевски 1, Кизиќ, Т.Атанасовски 4, Ќосевски 5, Анѓелковски 2, Крстевски 3, Трајковски, Анѓеловски, Ѓорѓиев 3, С.Атанасовски 5, Цветановски 3.
