Friday ,29 March 2024
Последни:
Home > РК Вардар > Втор тим > Вардар Јуниор на „крилјата“ на Марко Кизиќ успеа да го победи Пелистер
Вардар Јуниор на „крилјата“ на Марко Кизиќ успеа да го победи Пелистер

Вардар Јуниор на „крилјата“ на Марко Кизиќ успеа да го победи Пелистер

Вардар Јуниор стигна до четвртата победа во Супер лигата. Во малата сала на С.Ц. Јане Сандански, младиот состав на Вардар Јуниор беше подобар од екипата на Пелистер 29:25 (12:12).

Избраниците на Стојан Петрушевски први го отворија резултатот, но Пелистер врати со два гола и побведе со 1:2: Ние вративме со погодокот на Ќосевски за ново израмнување на 2:2, за во следниот напад ново водство од 3:2 да донесе Стефан Крстевски. На стартот од мечот и двете екипи наметнаа силно темпо на игра, а во 10 минута резулатот на семафорот беше 4:4, откако ново израмнување донесе Ќосевски со удар од седум метри, а истиов играч од контра-напад погоди и за предност од 5:4. Прв пат на мечот отидовме на два гола позитива во 15 минута од дуелот кога резултатот беше 8:6, додека со нов погодок на Ќосевски од пенал, Вардар Јуниор се одлепи на највисоки 11:8. На голот го имавме одличниот Марко Кизиќ кој нанижа неколку одбрани. Сепак до крајот на првото полувреме, екипата на Пелистер успева да се врати во игра и на одмор да се замине со резултат 12:12.

74708935_10158643809100348_2549945684480491520_n

Пелистер во вториот дел успеава да поведе со 16:18, но Вардар Јуниор прави голем пресврт и со серија од четири погодоци успева да поведе со 20:18. Од тие моменти, избраниците на Петрушевски и Манасков беа во постојана предност. Кизиќ имаше свое „шоу“ на голот, додека во нападот игравме смирено и погодувавме. Во еден момент, екипата од Битола намали на само еден гол негатива (23:22), но младите вардарци собраа сили, повторно се одлепија на три гола разлика, за на крајот да слават триумф со резултат 29:25.

Предводници на Вардар Јуниор во победата беа Ален Ќосевски кој постигна 7, како и Дејан Кукуловски со 6 голови. Марко Кизиќ одличен на голот,  имаше 15 одбрани, една од седмерец, како и еден постигнат гол зад неговото име.