Vardar Fans
РК Вардар не ја искористи првата меч топка за пласман во 1/4 финалето во Лигата на шампионите. Вечерва во Белорусија нашите играчи делуваа немоќно против тимот на Мешков Брест. Се до 20 минута Вардар играше добро, потоа следуваше голем пад во играта која траеше се до крајот на мечот. Вардарци за пласман во 1/4 финалето сами ќе решаваат идниот викенд против Кристијанштад.
Првите 10 минути од мечот му припаднаа на нашиот тим. По почетните 10 минути нашиот тим имаше предност од 6-4. Почетните минути ги одбележаа голманите на двете страни кои имаа неколку одлични одбрани во серија. Резултатската нишалка од два голови предност за нашиот тим продолжи се до 19 минута, потоа следуваа два брзи голови на домаќинот за израмнување на резултатот на 10-10 во 20 минута од натпреварот. По оваа мини серија на Мешков нашиот тренер побара минута одмор. По одморот Чупиќ од седум метри стрелаше прецизно за враќање на нашиот тим во водство. До крајот на првиот дел Вардар падна во голема криза, нашиот тим промаши неколку напади кои не можеа да се промашат, на спортивната страна Мешков Брест тоа умешно го искористи и на пауза замина со два голови предност 15-13.
Вториот дел нашиот тим го отвори исто така лошо. Тимот на Мешков Брест многу лесно доаѓаше до патот до голот на нашиот тим. Во 38 минута од мечот нашиот тим имаше негатива од дури четири голови. Лошата игра на Вардар продолжи и во понатамошниот дел од мечот, во 41 минута резултатот остана непроменет плус четири за домаќинот. Серијата на погодоци на домаќинот беше прекината со два врзани погодоци на Чупиќ и Карачиќ, за намалување на два негатива во 43 минута. Во 48 минута домаќинот дојде до највисоки плус пет на овој меч. Се до крајот на мечот Вардар направи уште многу технички грешки, кој го одалечија од овој натпревар. На крај, домаќинот се радуваше на победа издвојувана со резултат 30:26.
Најефикасни во нашиот состав беша Чупиќ и Карачиќ кои постигнаа по 5 голови.
