Вардар беше поразен во СЕХА финалето во Задар од Веспрем со резултат 35-27 (15-12).
Вардарци по првиот дел исто како и на натпреварот против ППД Загреб, имаа три голови негатива. Се започна лошо по нашиот тим. По само неколку минути игра противникот имаше предност од три, а на моменти разликата достигна и четири. На почетокот на дуелот Борозан беше расположен за игра, а на спротивната страна Јотиќ реализираше на три наврати. Како одминуваше натпреварот така и Коралес влегуваше во форма, а на спротивната страна Ристовски и Кантагрел немаа свој ден, запишувајќи само две одбрани за 18. минути игра. Кон крајот на првиот дел, Веспрем започна да греши и да не постигнува голови, а на спротивната страна Вардар преку Вујин и Чупиќ успеа да намали на подносливи минус три на полувреме 12-15.
Вардар се одржуваше на три негатива и по 6.минути игра во вториот дел кога Јотиќ погоди за 15-18. Точно на средината од вториот дел отидовме на двојно поголема негатива, по погодокот на поранешниот пикер на Вардар, Фереира ривалот поведе со 18-24. Ние се обидувавме да се вратиме во ритам, но немавме сила да парираме на квалитетот ривал вечерва. Од минута во минута имавме резултатско задоцнувања зад ривалот, а на крајот бевме поразени со 27-35.
Прв стрелец кај Вардар беше Калараш со 6 гола, по четири пати погодија Јотиќ и Валчак.