Vardar Fans
Младинците на РК Вардар со висок пораз ја стартуваа сезоната во младинската ракометна лига. Во рамките на првото коло, младите вардарци беа поразени од екипата на Алкалоид со резултат 20:37 (7:15)
Само во првите пет минути имаше резултатска неизвесност кога резултатот беше 1:1 и 2:3, за Алкалоид некаде на средина од првиот дел да има предност од 3:10. До крајот на првиот дел само го зголемија водството и после 30.минути игра во спортската сала „Круме Кепески“ се замина со резултат 7:15.
Со серија од 0:6 започна и второто полувреме, за веќе највисоки 7:21 предност за гостите, по што беше јасно веќе кој ќе стигне до првиот триумф сезонава во младинската конкуренција. До крајот, Алкалоид не само што ја одржа позитивата, туку истата и ја зголеми за конечни 20:37.
Во нашите редови најефикасен беше Антонијо Трајановски со 7 голови, додека по 3 имаа Огнен Тасевски и Наум Антевски.
ФОТО: RK Alkaloid
